Siudad sang Kabankalan ang may bag-o na nga city administrator.
Unanimous nga gin-aprobahan sang Sangguniang Panlungsod ang appointment ni Atty. Mac Lord Zafra bilang city administrator sa session sini sang Mayo 4.
Gin buslan ni Zafra si Engr. Randy Siason nga nag pungko bilang acting city administrator.
Sa gin-release nga impormasyon sang Kabankalan PIO, si Zafra ang ika apat na nga persona nga nag pungko bilang city administrator.
Damlag pa gin appoint ni Mayor Benjie Miranda si anay Silay City administrator, Atty Jose Edward Davila, bilang acting city administrator sa iya gid sini nga pag pungko.
Nagbulos si anay board member Atty Reynaldo Novero nga na appoint sadtong July 19, 2022 kag nag resign naman Setyember 28.
Taga Brgy. 8, sa Kabankalan City kag isa ka practicing lawyer sa masobra napulo ka tuig si Zafra.