Pinaka importante sa karon amo nga ma manage sang Sugar Regulatory Administration ang mill gate prices sang kalamay.
Ini suno kay Negros Occidental 5th District Representative Dino Yulo nga nag dugang nga dapat tigayon ma maintain ang profitability level sang mga sugar farmers.
Paathag ni Yulo ang mga small farmers sa kabukiran subong pa lang sang may higayon nga maka pa galing. Gikan sa 3,300 pesos per LKG nga mill gate price ini ang nag panaog sa 2,800 per LKG. Balantayan ang presyo sini nga Hwebes suno kay Yulo. Paathag niya indi pa man matumod nga ang gina siling nga pag sulod 260 containers sang gina alegar gin smuggle nga sugar amo ang kabangdanan sang pag nubo sang presyo.
Dapat mahangpan nga ang sugar isa ka political commodity. Gani ini ang naga kaapektuhan sang kasubong nga environment kag issue, kasubong man sang pag kabalaka. Kun may congressional inquiry sa sugar smuggling maga pakig bahin si Yulo.
Sa karon suno sa kongresista, padayon pa ang iya compilation sang papers bahin sa gina-alegar ni Senador Risa Hontiveros nga sugar smuggling. Samtang, ginsiling man ni Yulo nga wala gid man sang debate nga kinahanglan mag-import, bangud sa datus sang SRA, sa sini nga milling season, 1.9 million metric tons ang projected production, ang local consumption yara sa 2.3 to 2.4 million metric tons.
“In short may ara kita sang shortage. What is important nga sa subong, naga galing subong ang aton mga small planters, is that ma manage nila ang presyo. Okay lang na kun mag import gid man ta, kay may kulang gid man ta, basta indi ma apektuhan ang mill gate price naton sa kada semana until eventually matapos ang milling”, suno kay Yulo.