5th District Representative Dino Yulo ang naga panawagan nga kuntani mangin kabahin man ang Corazon Locsin Montelibano Memorial Regional Hospital sa One Hospital Command sang Probinsya.
Si Yulo ang nag bisita Martes sang aga sa Hospital Operations Department sang Probinsya kag nagsapol sa pamuno nga si Dr Girlie Pinongan.
Siya ang ginpaidalom sa briefing kun paano naga operate ang One Hospital Command. Ang tanan nga patient referrals sa amo nga sistema ang naga agi sa One Hospital Command.
Naga kasayuran nga coordinated ang tanan. Impressive suno kay Yulo ang sistema.
Para kay Yulo mas mangin masulhay pa gid kun malakip sa coordination ang CLMMRH.
Ini nga bagay ang luyag niya nga matutukan.
“Gapanawagan kita nga tani mangin kabahin man ang Corazon Locsin. Since they are outside of the province, they are not under the One Hospital Command. We will need more coordination between the regional hospital and the One Hospital Command. Ara man na sa amon no kay national government, so we will take a look at that”, suno kay Yulo.
Ang CLMMRH isa ka tertiary level hospital kag yara sa idalom sang Department of Health.
Sa pihak nga bahin padayon pa ang construction sang 19 million pesos nga hemodialysis center sa Isabela nga ginsugdan sang tion ni anay Representative Ma. Lourdes Arroyo.
Suno kay Yulo, talapuson pa ini, pangitaan sang plantilla para sa mga staff nga iga hire lakip na ang mga nephrologist, kasubong man pondo para sa mga equipment nga paga gamiton. Ang water source kinahanglan pa man nga ma plastar.
January 2021 sang nag groundbreak ini.
Sa inisyal nga plano, ini ang may 12 hospital beds para sa hemodialysis patients.