Mga youth organization ginahaylo magtukod sang mga programa para mas mapasanyog ang pag-gamit sang renewable energy.
Nagpaidalom sa simultaneous workshop ang katapo sang Bacolod SK Federation, Environmental advocates kag katapo sang Local Youth development council sa Bacolod City Government Center.
Tuyo sang National youth Commission upod sa Bacolod LGU nga mahaylo ang mga youth-led organization nga makaporma sang mga policy kag makatukod sang mga proyekto kag programa para mas mapasanyog ang kampanya angut sa pag-transition sa pag-gamit sang renewable energy.
Kasubong na diri ang community solar power project nga ginaplano sang Negrosanon Young Leaders Institute nga ma-install sa talto ka mga areas sa probinsya.
Ginsiling ni Bacolod SK Federation President Danna Marie Barzo nga dako ang sarang mabulig sang mga pamatan-on agud mas mapangapinan ang palibot batuk sa epekto sang climate change paagi sa pagduso sang mga proyekto may kaangtanan sa paggamit sang renewable energy.