Ginbuksan sini nga hapon ang Youth Lounge and Co-working Space sa third floor sang Ayala Malls Capitol Central nga open para sa mga pamatan-on sang Bacolod halin las 10 sang aga tubtob las 7 sang gab-i Lunes tubtob Domingo nga adlaw.
Ang lugar nagatanyag sang mga libre nga serbisyo, lakip na ang lounge space para makapahuway kag maka relax, study space nga angay para sa mga estudyante, free Wi-Fi, free printing para sa PDF files lamang, free sharing sessions bilang espasyo sa pag paathag kag pagpamati, free meeting room reservation para sa grupo meetings, kag free instant coffee pa.
Maka accomodate ang lugar sang 40 tubtub 50 ka pamatan-on nga luyag magamit sang pasilidad. Gina-recommend man nga magdala sang school ID ang maga gamit sang lugar agud ma-identify nga estudyante halin sa nagkalain-lain nga mga eskwelahan sa siudad sang Bacolod.*