Ginapaabot nga sini nga bulan, kadungan sang sweldo sang mga empleyado sang Bacolod City LGU, ila naman mabaton ang ila nga year-end bonus suno kay Mayor Greg Gasataya.
Ginklaro man sang alkalde nga ang mga regular employee lamang sang siudad ang makabaton sang amo nga incentive. Sandig sa pagsulundan sang Department of Budget and Management ukon DBM, isa ka bulan nga basic salary ang sarang nga makuha sang isa ka regular employee bilang year-end bonus.
Samtang, ginahulat nalang sang siudad ang bag-o nga guidelines sang DBM para sa pagdistribute sang gratuity pay para sa mga Job Order employees sang siudad.
Ini ang suno kay Gasataya, mangin basehan pa kun sin-o ang ang kwalipikado nga mga JO nga makabaton sang amo nga incentives. Lakip sa mga basehan amo ang kalawigon sang isa ka empleyado.
Wala pa matumod kun pila ang gratuity pay nga mabaton sang tagsa ka JO, apang sang tinalikdan nga tuig, nagdangat ini sa 7,000 pesos.
[sibwp_form id=1]