Masobra sa 11,500 ka kasapatan, mga 10,000 diri manok ang nag kalamatay bangud sang epekto sang mainit nga panahon.
Ini suno kay Provincial Veterinarian Dr Placeda Lemana nga nagpaathag nga ang pagkapatay sang mga kasapatan tuga sang maatas nga heat index.
Sa report sang Office of the Provincial Veterinarian, 11,556 ka mga kasapatan ang nagkalamatay kag ini ang naga balor sang P10,080,100 nga kapierdehan. May P2,685,500 man nga kahalitan sa pastuhan. 21 ka mga LGU ang apektado.
Suno kay Lemana, kalabanan sa mga manok nga nagkalamaty mga free range chicken natungod nga ini sila ang napabay-an.
May mga nagkalamatay man nga inugbulang nga mga manok.
Ginasulit nila ang abiso sa mga naga sagod nga dapat indi man pag i-over populate ang mga kurungan kag ipasigugro nga may maayo nga ventilation.
Sa mga idik kag baboy may na record man nga napatay – mga 400, carabao mga 40 kag mga isa ka gatos nga kanding.
Ang misting ukon pag spray sang tubig sa sini nga mga kasapatan ang maka bulig sa tunga sang kainiton sang panahon suno kay Lemana.
Ang kainiton naga tuga sang dehydration sa kasapatan labi na kun indi sila mahatagan sang naaga kaigo nga tubig kasubong man naga panuno sa ila nga immune system.
“Sa carabao, ang iban dira indi nila dayon nakumpayan. Ang iban ang tubig layo, sa kun suba man gid, ang iban may ara kuno suba nga wala na gid water nga makuha sila. Pero ang tubig nga kinahanlganon gid sang sapat indi ma supplyan ang iya requirement bala. So ang matabo ma dehydrate gid sya kapin pa taas ang init”, suno kay Lemana.