Nagdaba-daba ang isa ka wing van samtang nagapasaka sa taklaron nga bahin sang dalan sa Sitio Amacan, Barangay Oringao sa syudad sang Kabankalan, Miyerkules nga adlaw, Hulyo 23.
Mga box nga may unod nga mga parts sang salakyan kag aircon ang karga sang wing van.
May ginakay-o nga dalan sa lugar kag maswerte nga yara natabuan ang truck nga naga-deliver sang tubig sa construction site.
Nagbinuligay ang mga tawo, sa bulig man sang water truck nga tapna-on ang sunog, tubtob nga nag-abot ang mga bombero.
Gindayaw sang mga netizens sa social media ang bayanihan spirit sang mga pumuluyo sa lugar kag ang madasig nga pag responde sang water truck kag sang katapo sang Bureau of Fire Protection Kabankalan agud gilayon nga matapna ang sunog.
Suno kay Fire Officer 1 Jesrel Jersalia, fire investigator sang BFP-Kabankalan, iga-transport kuntani sang wing van ang mga parts sang salakyan kag mga aircon padulong Cagayan, kag sila ang maagi via Dumaguete.
Base sa inisyal nga imbestigasyon, nagsugod sa muffler sa idalum sang salakyan ang kalayo.
Ginabulubanta P50,000 ang danyos sang sunog.
Wala sang reported injuries sa insidente.
“Sa taklaron nga area, waay siya naka-notice guro lawig na ang iya muffler sa dalum, nabatas na. Then taklaron, amo to namwersa tudo ang iya makina gakadto sa exhaust sang iya muffler, na damage. Kag sa sige buga, nag cause sa iya nga platform.. ang ila platform is kahoy, asta nag-ut-ot”, suno kay Jersalia.
