Nagkala-ula sa dalan ang karga nga mga box sang bangrus matapos maglapaw kag makabunggo sa mga poste kag puno sang mangga ang 6-wheeler delivery wing van sa Purok Taytay, Barangay Oringao sa Kabankalan City, Huwebes sang gab-i.
Hana kuntani nga mag-overtake ang wing van sa ginasundan nga Ceres bus sang gulpi lang may naglusot nga pickup truck sa kurbada nga bahin sang highway, rason nga ginhawig pabalik ang manubela sang driver nga si alyas “Tisoy”.
Ugaling, nagbalang-balang ang wing van, nagdiretso sa higad sang dalan tubtob nakabunggo sa duha ka mga poste kag sa kahoy.
Nakalumpat ang driver kag pahinante. Sila ang nakaangkon sang minor injuries lamang.
Gikan sa Mabinay, Negros Oriental ang wing van kag padulong kuntani sa banwa sang Valladolid, Negros Occidental agud ibaligya ang masobra 90 ka boxes sang isda.
Suno sa pahinante nga si alyas “Yong-Yong”, halin sila sa Mabinay bangud may gin-rescue sila nga na-aberya nga salakyan nga ginakargahan man sang isda.
[sibwp_form id=1]