483 ang bag-o nga Dengue cases sa Western Visayas sa June 12-18 nga report sang Department of Health.
140 naman ang bag-o nga dengue cases nga na record sang Negros Occidental.
May bag-o man nga na record nga napatay bangud sang Dengue sa probinsya.
Humalin Enero tubtob June 18, 1,368 ang Dengue cases sang Negros Occidental kag 7 ang napatay bangud sang Dengue.
Kun ipaanggid sa kasubong nga tion sang 2021, 605 percent ang saka sa Dengue cases.
Suno kay Dr Jessica Fama, medical specialist 3 sang Provincial Health Office wala nagdangat sa karon sa alert threshold ang kadamuon sang Dengue cases sang probinsya pero sa gihapon indi pa ini estable kag mahimo nga sa ano man nga oras sarang ini nga magsaka.
Samtang, ang Bacolod City naman, may 22 ka bag-o na record nga Dengue cases.
238 sa kabilugan ang na report nga Dengue cases sa siudad,
Apat naman ang napatay.
Sa Western Visayas malapit na sa 4,000 mark ang Dengue cases nga na record. 3,653 ang total Dengue cases sa rehiyon kag 24 naman ang napatay.
Ang probinsya sang Antique ang nag-record sang pinaka mataas nga new cases sa amo nga semana – 187 cases.