Padayon nga maid-id nga gina monitor sang Department of Health ang potability sang tubig sa banwa sang La Castellana kasunod sang pag contaminate sini tuga sang paglupok sang bulkan Kanlaon.
Suno kay DOH Western Visayas Regional Director, Adriano Suba-an, ginkasugtan na nila nga isaylo gikan sa La Carlota City ang mobile treatment plant sang DOH sa La Castellana.
Padayon man nga iga-monitor ang tubig sa La Carlota City. Ini agudto mapasiguro ang safety sang tubig nga gina gamit sang mga apektado nga pumuluyo kag malikawan ang outbreak sang diarrhea sa La Castellana, suno kay Suba-an.
Personal nga nagbisita sa La Castellana kahapon si Suba-aan kag may mga special needs man ang mga internally displaced nga mga pumuluyo nga ila luyag nga matutukan kaangay sang sanitation kag mental kag psychosocial nga aspeto.
“Nag water testing kasi sila, they’re taking water from different sampling sites of La Castellana. I think there are around 13. Nakita ko may mga result na positive. Diniscuss natin diarrhea. Maraming concern. Sabi nga namin we have to sustain the efforts, to prevent yung outbreak ng diarrhea”, suno kay Suba-an.
Dugang pa niya importante man nga maatipanan ang mga naghatag sang bulig ukon ang mga carers kag sila ang makapahuway labi na nga malawig man ang tion nga sila ang nagserbisyo.