Banwa sang Hinoba-an ang nagpahamtang sang water impounding project para mabuligan ang mga mangunguma nga apektado sang tuman nga kainiton. Samtang sa Kabankalan City naman, food packs ginpanagtag bilang bulig sa mga mangunguma.
Ang Department of Social Welfare and Development 6 ang nag panagtag sang 900 ka mga food packs sa mga mangunguma sa Kabankalan City nga apektado sang drought gikan sa 14 ka mga barangay sa siudad. Ini ang naga unod sang delatas, bugas, kape kag energy drink. Ang Kabankalan isa sa mga labing apektado sang drought sa probinsya.
Samtang sa Hinoba-an, suno kay Mayor Daph Reliquias, tatlo sa 13 ka mga barangay sa banwa ang halos wala na sang tubig para sa pananom. Ini ang nagalakip sang Barangay Asia, Pook kag bahin sang Bacuyangan. Ginpakamaayo sang banwa nga magbutang sang water impounding una sa Barangay Asia. Source sang tubig nila ang Barangay Alim nga may nagakaigo nga water supply. Karon nga namutikan ang pagnubo sang water level suno sa alkalde, bilang pangaman, nagapatuman na sila sang water rationing man. 15 ka mga mangunguma sa report ang apektado.
“May ara kita gina gamit iya ka DRRM na vehicle kag duha ka vehicle man sa fire naga libot sa every purok sa Hinoba-an para maghatag sang tubig sa areas nga wala sang tubig. May mga certain areas nga wala na gid tubig. Gina pa monitor pa subong sa DA ara sa tatlo ka barangay daw medyo wala na gid sang tubig para sa pananom”, suno kay Reliquias.