Pagpatigayon sang water analysis paagi sa mga water samples sa nagkalain-lain nga lugar sa San Carlos City ang tutukan sa karon nga adlaw sang gikan sa Department of Health.
Hatagan sang labi nga atensyon ang may matag-as nga kaso sang acute gastroenteritis.
18 ukon kabilugan nga barangay sa siudad ang may gin report nga kaso sang acute gastroenteritis ukon AGE.
Nalakip man sa kuhaan sang samples ang mga water refilling station. Tuyo nga mapat-od ang bacteria nga yara sa tubig ukon iban pa nga residual substance.
Suno kay Joe Recalex Alingasa, Jr., ang spokesperson, 55 ang active cases sa karon kun sa diin 28 ang amoebiasis cases kag 27 ang AGE.
Humalin Pebrero uno tubtob Marso uno, 12nn nga datus 469 ang kabilugan nga AGE cases.
60 percent naman sini amoebiasis cases.
Suno kay Alingasa ginhatagan sang siudad ang tanan sang konsiderasyon antes pa man nag deklara sang state of health emergency.
Ini kasunod man sang ginsiling sang DOH nga may mga protocol nga gina sunod antes pa man makapatigayon sang amo nga deklarasyon.
Mga team gikan sa DOH Central Office kag Regional Office, lakip na Provincial Health Office ang yara sa San Carlos kasunod sang pagsaka sang kaso sang acute gastroenteritis kag amoebiasis para mag usisa kag magpatuman man sang needs assessment.
Suno naman kay Governor Eugenio Lacson ang natabo pahanumdom nga dapat regular nga magpatigayon sang lab testing sa ila nga tubig.
“Ang ratio ta is 60-40. So mostly amoebiasis gid. Amo na indi ma question si mayor mag declare because for the past years we don’t have that number, that huge number nga grabe gid ang surge niya”, suno kay Alingasa.