Ginaduso sang Sanguniang Panlungsod sang Bacolod City nga matigayon na ang paglunsar sang Waste-to-Energy program sa siudad.
Ginsiling ni Councilor Homer Bais nga kon malunsar na ang programa, mangin dako ini nga bulig sa pag dispose sang mga basura sa siudad.
Ginklaro man sini nga wala sang gastohon ang siudad sa pagpatuman sang amo nga programa bangud may mga private investors na nga maga-ako sang tanan.
Ang private partners nga magasulod sa siudad ang may yara na sang clearances kag accredited na ini sang Department of Energy.
Dugang pa, kinahanglan man sang private investors nga rentahan ang sanitary landfill sa Barangay Felisa agud makapatukod sila sang ila istruktura.
Ginduso na sa karon sang SP ang pagpasar sang ordinansa kag ang pagplastar sang sanitary landfill agud nga matigayon na ang Waste-to-Energy program.
Ginsiling ni Mayor Greg Gasataya nga prayoridad sang siudad ang masugdan na ang WTE bangud magabulig ini sa pag-iban sang mga basura kag galastuhon sang siudad.
110 million pesos ang gina pain nga budget sang siudad sa pag maintain sang sanitary landfill sa Barangay Felisa, apang siling ni Gasataya kon masugdan na ang programa maganubo man ang gasto sang siudad para sa maintenance.*
[sibwp_form id=1]