Waste analysis and characterization study ipatuman sang siudad sa tuyo nga mapabaskog ang kampanya kontra basura.
Sa panahon sang tig-ululan suguran sang Solid Waste Management Association of the Philippines ukon SWAPP ang waste analysis and characterization study ukon WACS sa siudad sang Bacolod.
Sandig sa kasugtanan sang siudad kag SWAPP ang WACS ang ginakinahanglan para matun-an ang kadamuon, klase kag material type sang mga basura sang siudad para sa ginadihon nga Solid Waste Management Plan.
Plano sang siudad nga magtukod sang Recovery and Recycling Complex sa Barangay Felisa nga mangin una nga pasilidad sa pungsod nga magahatag kalubaran sa problema sa basura.
Ang pasilidad ang nalakip man sa pagapondohan pinaagi sa P4.4B loan agreement.