Ginkumpirmar ni DILG Sec Juanito Victor Remulla nga ila natukiban ang isa ka iligal nga cockfighting court sa siudad sang Talisay kag ini ang konetado man sa isa ka factory sang mga peke nga sigarilyo sa siudad sang Bago.
Suno kay Remulla, masobra sa 740 million pesos ang balor sang mga iligal nga sigarilyo kag raw materials sa amo nga factory.
Sandig sa ila imbestigasyon, posible nga ang naga operate sang factory kag sang illegal cockfighting sa Talisay isa lamang ka Chinese national. Dugang niya kon indi man isa ka tawo, posible nga related sila.
Masobra 200 million pesos nga balor sang mga peke nga sigarilyo ang gina-produce sang amo nga factory .
Wala man sang mga passport kag legal documents ang pulo ka mga Chinese national nga nadakpan sa Bago City.
May 15 man ka mga Filipino workers ang na rescue sang PNP sa amo nga factory isa sa ila menor de edad.
Magapasaka ang PNP sang kaso nga human trafficking batok sa mga Chinese national.
30 ka tawo sa Talisay ang nadakop sa pag-raid sang isa ka cockfighting court sa Barangay Concepcion Talisay City. Isa menor de edad.
Suno kay Mayor Rowena Lizares, posibli nga si Atong Ang ang naga finance sa amo nga cockfighting*
[sibwp_form id=1]