May walo pa ka mga baligyaan sa Sum-ag Public Market ang nagapabilin gihapon sa gwa sang merkado.
Ini samtang ginapapangitaan pa sang pondo ang construction sang ila salayluhan nga pwesto.
Matawhay na nga agyan ang dalan malapit sa Sum-ag Bridge matapos nasaylo na ang kalabanan sa mga vendors sa sulod sang merkado sang nagligad nga bulan.
Pero nagapabilin gihapon sa gwa sang merkado ang walo ka mga meat vendors nga asta karon wala pa sang may masaylohan nga pwesto sa sulod merkado.
Ginsiling ni Punong BArangay Rodney Carmona nga sa bulig sang Bacolod LGU ginapangitaan na sang dugang nga pondo para construct ang mangin salayluhan nga pwesto sang mga manugbaligya.
Ginabulubanta kapin sa P8M ang ginakinahanglan nga budget para sa dugang nga mga stalls.
Sa karon, ginahulat man ni Carmona ang pagsugod operate sang dry goods sections kag coffee stations sa ikaduha nga panalgan sang merkado nga malapit sa gintalana nga parking area.
May parking spaces man sa atubang sang merkado nga amo karon ang temporaryo nga ginagamit sang mga meat vendors.