May nagakaigo nga supply sang manok sa probinsya.
Ini ang ginpahayag ni OIC-Provincial Veterinarian Dr Placeda Lemana, gani wala sang dapat kabalak-an. Iya gin paathag nga may 1.6 million ka manok ang gina produce sa probinsya. 54,000 heads ang ma produce sang mga accredited dressing plants lamang.
Naga dalagan sa 70,000 tubtob 75,000 heads ang ma produce sa isa ka adlaw. Ang demand sang Negros Occidental kag Bacolod sa matag adlaw ang yara sa 60,000 tubtob 70,000.
Kun may pagsaka man karon sa presyo sang manok ini tuga na sang pagmahal sang inputs kasubong sang feeds.
Ang gasto sa pag transport naga apekto man diri labi na nga may pagmahal man sa presyo sang gatong.
Sa July 4 nga monitoring report sang Provincial Veterinary Office, nag barato sa average nga 71 sentimos ang kada kilo sang manok. P205.14 ang average nga kilo sang manok. May nagakaigo man mga supply suno kay Lemana sa baboy.
May gamay naman nga kulang sa supply sang baka ang probinsya amo man sa itlog.