Gina paabot man nga mag igo ang El Niño sa masunod nga mga binulan, pero probinsya sang Negros Occidental ang indi maga eksperiensya sang dry spell.
Naka pa gwa na sang El Niño Alert damlag pa ang PAGASA kag sa lakat sang panahon karon, gina paabot ang pag pa gwa sini sang El Niño advisory.
Suno sa PAGASA majority sang climate models ang naga suggest sang 92 percent nga probability nga may El Niño sa June-July-August season kag sarang nga magpadayon tubtob sa early part sang 2027.
Sa June to September, suno sa PAGASA ang general nga rainfall outlook sa kalabanan nga bahin sang Pilipinas, near-normal rainfall conditions. Pero, sa July to August, ang western nga bahin sang pungsod ang maga paabot sang above-normal rainfall.
Suno kay Irene Bel Ploteña ang Provincial Disaster Risk Reduction Management Officer ang Negros Occidental nahamtang sa western side sang pungsod.
Sa amo nga mga binulan tig balagyo na sa probinsya. Isa sa mga possible impacts sang developing El Niño suno sa PAGASA ang heavy ukon mabunok nga rainfall events sa western side sang Luzon kag Visayas dala man sang mas gin pabaskog nga Habagat.
Dugang pa sang Rainfall outlook sang PAGASA sa October, near normal tubtob below normal ang rainfall conditions sa halos kalabanan nga bahin sang pungsod kag sa Nobyembre way below normal na ang rainfall conditions sa Luzon kag ang nabilin nga bahin sang pungsod gina paabot maga eksperiensya sang below-normal rainfall.
Wala nadala ang Negros Occidental sa listahan sa mga lugar nga maga eksperiensya sang dry spell sa Nobyembre kag Disyembre.
[sibwp_form id=1]