Bangud sang mga nangin epekto sang signal jamming sa negosyo kag kabudyalan sa komunikasyon, indi na pag ipatuman sang Bacolod City Police Office and signal jamming sa MassKara Festival 2025.
Ini ang suno sa kay Bacolod City Police Office Director Police Col. Joeresty Coronica.
Suno kay Coronica, mapatuman lang sila sang signal jamming kun mag abot ang presidente para sa iya nga seguridad.
Samtang ang gun ban sa tiun sang Masskara ang igaduso sang PNP nga ipangabay ni Mayor Greg Gasataya sa pamunuan sang PNP para likaw man sa madugo nga mga insidente.
May 1,600 ka mga pulis ang plano nga ipahamtang ang BCPO sa bilog nga siudad sang Bacolod sa duha ka semana nga selebrasyon.
May 700 ka mga organic nga mga pulis kag masobra sa 800 pa gid ang plano nga idugang.
Sa October 1 maga sugod ang MassKara Festival tubtob October 19.
[sibwp_form id=1]