Base sa paglibot sang fuel price monitoring sang Bacolod, wala sang may nagsira nga gas station sa siudad.
Ginsiling ni Atty. Mark Steven Mayo, Bacolod City Administrator, nga kun basehan ang amo sini nga mga hitabo, makit-an nga may ara gid man kakulang sa suplay sang gatong sa Bacolod City. Apang suno sa iya, ang Department of Energy lamang ang makasiling kon may fuel shortage gid man sa pungsod.
Paathag niya, wala sila may na-record nga gasoline station sa siudad nga nagsirado na, apang ang iban nagapanirado kon kis-a bangud sold out na ang ila nga mga produkto sa amo nga adlaw.
Sandig sa record sang Business Permits and License Office sang siudad, may ara sang 151 ka mga gasolinahan ang nagapadayon ang operasyon sa Bacolod City. Ini ang padayon man nga gina-monitor sang duha ka grupo nga gina-deploy sang siudad kag sang Bacolod City Police Office.
Dugang sini, temporaryo anay nga untaton sang siudad ang ila fuel price monitoring para sa Semana Santa. Magabalik naman sila sa ila monitoring sa Lunes, Abril 6.*
[sibwp_form id=1]