Negatibo sa pag gamit sang iligal nga droga.
Suno kay San Carlos City Mayor Renato Gustilo, base sa resulta sang ginpatigayon na drug test sa mga 150 ka mga job order kag regular nga empleyado sang Agriculture Office sang siudad wala sang may nag positibo sa pag gamit sang iligal nga droga.
Regular nga naga patigayon sang drug testing ang San Carlos sa tinutuyo nga maka angkon sang isa ka drug-free workplace.
May walo man ka mga ride operators para sa carnival rides sa PintaFlores Festival karon ang gin paidalom sa drug testing.
Suno kay Gustilo ini sila ang nag negatibo man sa drug test.
Sumugod subong ipatuman sang siudad suno sa alkalde ang drug testing sa mga ride operators sa kada may yara sang carnival sa siudad sa tinutuyo nga mapangapinan man ang publiko.
“Ini lang nagsugod ang drug testing. Every time may carnaval na ta i-drug test na naton sila (ride operators)”, suno kay Gustilo.