Sa weather advisory sang PAGASA subong nga adlaw, ginsiling sang weather bureau sang Pilipinas nga wala sang low pressure area sa sulod kag sa gwa sang Philippine Area of Responsibility.
Pero ang ITCZ ukon ang Inter Tropical Convergence Zone amo ang naga dala sang ulan sa Visayas kag Mindanao.
Ang ITCZ amo ang pagtabo sang Northern kag Southern Hemisphere nga naga resulta sa pagtipon-tipon sang panganod kag pag-ulan.
Mangin magal-umon ang kalangitan sa Visayas kag Mindanao sa halos bilog nga adlaw.
Ini dala sang ITCZ gani mahimo magresulta sa pag-ulan kag kun kis-a mabunok nga ulan nga mahimo mag resulta sa pag baha.
Gani ginapaandaman ang tanan nga magpangaman batuk sa posibilidad sang pagbaha.*