Cardio respiratory arrest ang ginkamatay sang babaye nga nasapwan sa bakante nga lote sa Sofia Gonzaga Avenue, Barangay Estefania, sa Bacolod sang Martes.
Base sa resulta sang post-mortem examination sa bangkay sang biktima.
Ginsiling ni Police Major Elmer Bonilla, outgoing station commander sang Police Station 4, wala sang foul play sa kamatayon sang biktima kag negatibo man siya sa pag panghimulos, base sa resulta sang autopsy.
Bangud sini, suno kay Bonilla, makabig na ini nga “case closed”, apesar nga wala pa sang identity ang biktima kag wala man sang himata nga nag-claim sa iya.
Nagakadunot na ang bangkay sang biktima sang siya ang nasapwan.