Blank Wall. Ini sa gihapon ang gina pangatubang sang National Bureau of Investigation angut sa pagpangusisa sa kaso nga pag patay sa anay consultant sang probinsya nga si Marton Cui.
Suno kay NBI Bacolod Chief, Renoir Baldovino, napaslawan sila nga maka kuha sang cyber warrant gikan sa korte para tigayon makuha ang gadget sang isa sa mga persona nga gina patihan may kahilabtanan sa pag tiro kay Cui.
Paathag ni Baldovino, may impormasyon sila nga may pagbayluhanay sang istorya nga natabo rason nga kuntani luyag nila ma secure ang amo nga gadget, pero wala ini natigayon. Dugang pa niya, kuntani kun natigayon, makakuha sila sang maayo nga lead.
“Magandang lead sana, kasi nalaman namin may exchange of calls at the time na ino-operate nila yun. Nung mangyari ang pagbaril may nahagip kami na conversation, yung allegedly isang participant dun with another. Kaya lang kailangan naming nga cyber warrant para ma secure yung cellphone sana niya, but we were not able to secure a search warrant”, suno kay Baldovino.
Ang kakulang sang saksi daku nga pag panghangkat rason nga blank wall sa gihapon ang NBI sa ila nga imbestigasyon. April 12, 2021 sang gintiro si Cui samtang maga biya sa iya nga opisina sa Emerald Arcade sa Barangay Palampas sa San Carlos City.
Sini lamang ginpasaka na sa 2 million pesos sang gobyerno probinsyal ang reward money para sa maka hatag sang impormasyon para ma aresto ang suspek ukon mga suspek. Suno kay Baldovino ang reward money dapat mahatag kun matigayon ang successful nga prosecution sang kaso. Nagserbe nga provincial consultant on hospital operations si Cui. Nag serbe man siya nga chief of Staff ni anay Rep Jules Ledesma.