Wala pa sang may nagsurrender sa 53 ka mga personnel sang BTAO kag POSO nga nagpositibo sa drug test.
Sang nagligad nga semana nagpaandam si BCPO Director Col. Noel Aliño sa 53 ka mga personnel, apat diri mga regular employees nga nagpositibo sa drug test, nga mag-surrender na agud mapaidalom sila sa rehabilitation program.
Ini sa baylo nga isa-isa sila nga arestohon pinaagi sa ipatuman nga anti-illegal drug operation.
Suno kay Police Lt. Col. Ronnie Brillo, deputy for Operations sang BCPO, wala pa sang may nag surrender sa ila pero natalana sila nga maglunsar sang one-stop shop program para sa mga drug surrenderer nga handa magpaidalom sa rehabilitation sa Agosto 10.
Nagalaum naman si Mayor Albee Benitez nga magpaidalom sa rehab ilabi na ang mga job order workers nga nga nagpositibo sa drug test.
Ang siudad ang natalana man nga magpatuman sang mandatory drug test sa iban pa nga empleyado sang tagsa ka city department.