Ang Bagyo nga Uwan ang sa karon yara na sa West Philippine Sea kag nagapagwa na sa Pilipinas.
Wala na sang Tropical Cyclone Wind Signal sa isla sang Negros.
Wala na man sang may na monitor ang PAGASA sang kun ano man nga threat ukon pag tipon-tipon sang panganod nga posible maga dala sang bagyo sa Pilipinas sa sulod sang duha tubtob tatlo ka adlaw.
Gina forecast sang PAGASA nga ma recurve ang bagyo Uwan, magwa ini sa Philippine Area of Responsibility pero may posibilidad nga magbalik ini sa sulod sang isa ukon duha ka adlaw.
Magwa ini sa PAR bwas, Martes kag sa Miyerkules sang gab-i mahimo magasulod ini liwat sa PAR bilang isa ka typhoon kag mag rekta na pa Taiwan.
Posible sa gihapon ang hinali nga pagbaskog sang hangin sa Visayas lakip na ang Negros dala sang outer rain bands sang Uwan.*