Wala na sang available nga relocation area para sa mga informal settler families sa siudad sang Bacolod.
Gani ang paghatag sang financial assistance kag ginatanyag nga Yuhum Housing Village ang iga-recommend sang Bacolod Housing Authority.
Sa Enero 8, ang deadline sa gin-issue nga notice to vacate sang City Legal Office sa masobra 140 ka mga pamilya nga apektado sa natalana nga demolition sa Manokan Country sa Barangay 12.
Kadam-an sa mga ginakabig informal settler families ang ginapanugyan nga mag-proseso sang requirements sa para sa relocation program sang Bacolod Housing Authority.
Ugaling sa karon, wala na sang duta nga available para sa apektado nga ISF.
Suno kay City Legal Officer Atty. Romeo Carlos Ting, Jr., sarang maka-recommend ang BHA para sa financial assistance para mga apektado nga pamilya.
Ginatanyag man nila ang Yuhum Housing Village bisan pa indi luyag sang mga ISF ang condo units.
Iga-demolish sang SM PrimeHolding Incorporated ang Manokan Country kag iban pa nga mga kaiping nga illegal structures sa lugar para sa development project nga natalana suguran sa madasun nga binulan.