Wala na sang internally displaced persons ukon IDP nga naga tenir sa mga classroom sa La Castellana kag Canlaon City.
Ini suno kay Office of the Civil Defense Regional Director Donato Sermeno, III nga nag klaro nga ang mga IDP nga wala nagbalik sa ila nga mga puluy-an sa Brgy Cabagnaan ang yara sa mga school grounds.
Amo man ang sitwasyon sa Canlaon City suno sa iya.
Magluwas na lamang kun mag tudo ang ulan, sila ang gin pahanugutan sang Department of Education nga pwede mag gamit sang mga classroom.
Sa State of the Nation Address kahapon ni Presidente Ferdinand Marcos, Jr., iya gin pahayag nga ang gobyerno ang maga construct sang modern evacuation centers nga sarang ma teniran sang mga evacuees kun may kalamidad.
Ang mga eskwelahan suno sa iya ang indi na pag gamiton bilang evacuation centers.
Suno kay Sermeno, kasunod sang pag pinauli sang mga 1,800 ka mga evacuees sa Cabagnaan may duha ka mga evacuation center nga ginpahamtang sa covered court kag sa barangay hall mismo para sa katapo sang vulnerable sector.
Ini ang sakop naman sang 6 kilometer extended danger zone.
Padayon naman ang istrikto nga monitoring sa mga entry points sa 6km danger zone sang bulkan.
“Sa subong ang sa La Castellana ara sa school grounds pero sa classrooms wala na kita, even sa Canlaon City may apat sila didto nga evacuation centers nga ara sa school grounds lang. Kun ga ulan gasulod sila sa classrooms kun indi na gid maagwantahan”, suno kay Sermeno.
