Wala na sang extension sa gin-issue nga notice to vacate sa mga tenants sang Manokan Country sa Hulyo 5.
Tubtob karon wala gihapon sang ni isa sa mga tenants sang Manokan Country ang nagpabutyag sang intensyon nga magsaylo sa temporary facility sang SM Primeholdings Incorporated.
Ini bisan handa si Mayor Albee Benitez nga mapatuman ang temporary road closure sa portion sang Fr. Ferrero street agud mapalaparan ang ila kalan-an kun kinahanglan.
Ginpahayag ni City Legal Officer Atty. Romeo Carlos Ting, Jr. , Hulyo 5 ang ginhatag nga deadline sang siudad sa mga tenants nga magbiya sa Manokan kag wala na ini sang extension.
Gindugang ni Ting nga wala sang existing contract ang LGU sa mga tenants taliw-as sa ginpadala nga sulat ni Atty. Jomax Ortiz nga naga-kwestyon sa pagkakas sa ila sa Manokan.
Sa Hulyo plano sang SMPHI nga makudalan ang Manokan agud masuguran na ang demolisyon para sa ipatuman nga joint development project sa 3 hectare property sang Bacolod sa reclamation area.