Wala sang payout para educational assistance sang DSWD sa masunod nga duha ka Sabado.
Paathag sang DSWD Field Office VI, naubos na ang pondo gikan sa DSWD Central Office rason nga wala na sang payout nga patigayunon sa Setyembre 17 kag 24.
Sa datus nga gin pa gwa sang DSWD sa page sini, 36,131 ka mga students-in-crisis ang nahatagan sang Educational Assistance.
Ini ang nag dangat sa 101,326,000 pesos. Dugang pa sang DSWD 6, gusto man nila nga mag hatag sang assistance ugaling wala na sang pondo.
Nag-submit man ang ila nga talatapan sang proposal para sa dugang nga pondo gikan sa DSWD Central Office ugaling wala man sang may ginhatag nga dugang nga pondo.