Candoni Mayor Ray Ruiz ang nag pahayag sa katapo sang media nga sa ila nga monitoring wala na sila sang may nakita pa nga naga padayon nga earthmoving activities sa palm oil plantation sa banwa sang Candoni.
Sa interview sang media sang Sabado ginsiling ni Ruiz nga may yara sang personnel ang Candoni LGU sa idalom sang MENRO ukon Municipal Environment and Natural Resources Office nga naga monitor sa palm oil plantation.
Mga planting activities na lamang ang gina patigayon.
Sang nagligad nga semana gin pa verify sang Enforcement Division sang Environment Management Bureau 6 ang report nga may yara sa gihapon sang earthmoving activities sa palm oil plantation apesar sang Cease and Desist Order nga ginpapanaog sa Hacienda Asia Plantation Inc ukon HAPI nga amo ang naga operate sang palm oil plantation.
Suno kay Ruiz, nagalaum siya nga respetuhon sang HAPI ang CDO nga gin papanaog. Isa sa ginreklamo sa HAPI ang pag operate sini nga wala sang Environmental Compliance Certificate.