Wala sang may na monitor nga aksyon protesta ukon pagduso sang mass resignation sa mga health care workers gikan sa gobyerno probinsyal.
Ini suno kay Negros Occidental provincial admnistrator Rayfrando Diaz sa tunga sang lihok karon gikan sa mga health care workers nga naga demanda nga dapat sila ang mahatagan na sang ila nga special risk allowance ukon SRA kag bisan pa sang meal kag transportation allowance.
Damlag pa, ginsiling sang Provincial Health Office nga may 34 milyones pesos na gikan sa ational government ang nabayad sa mga health care workers nga imbolbado sa away kontra Covid -19.
Ginpahayag sadto ni Dr Ernell Tumimbang ang PHO nga 30 million pesos ang nabayad sa mga health care workers sa ospital kag 4 million pesos sa yara sa PHO sa sini nga tuig.
Sa karon wala sang budget ang national government para sa bag-o nga SRA suno kay Diaz.
Dugang pa ni Diaz ang ano man nga sarang mahatag nga benepisyo sang gobyerno probinsyal ang gina hatag man sa ila nga naga lakip sang hazard pay bisan pa pagkaon kun may mga naga abot nga mga donasyon.
“May mga applicants pa gani kami nga gina process ya. Daw happy man sila so far sa province ya. All the support that we can give them, ara. Gina pa dul-ong sugat ta sila, If there are duties nga schedule nila gab-i, med-techs, nurses supported sila sang province,” suno kay Diaz.