Matapos nga gin reklamo ang mga basura nga nagatinumpok sa atubang sang isa ka simbahan sa Barangay Handumanan, ginlimpyohan na sang Barangay kaupod ang Bacolod Environment and Natural Resources Office kag sang garbage collector ang lugar.
Sa isa ka coordination meeting nga ginpatigayon sang BENRO kag sang Barangay, ginkasugtan na nga kakason sa atubang sang simbahan ang trash bin kag ibutang nalang ini sa iban nga lugar.
Nagsaad man ang pamunuan sang Barangay nga ila palig-unon ang ila nga koordinasyon sa ISWIMS agud mangin tayuyon ang garbage collection.
Una nga ginreklamo sang simbahan ang paghimo sang amo nga lugar bilang dumping site bangud nagabaho ini, ilabi na may mga diapers kag patay nga sapat pa nga ginahaboy diri ang mga residente.
Isa pa sa ila nga nga concern amo ang delay nga paghakot sang basura, rason nga nagadamo ini kag nagabaho.
Ginamanduan na sang siudad ang mga kapitan nga kinahanglan magbutang sila sang ila personnel nga 24 oras magabantay sa dumping site sa ila tagsa ka barangay.
[sibwp_form id=1]