Shadow

Wala anay leisure travel sa pa Panay kag vice versa, mga kompleto na sa bakuna i-require sang RT-PCR test sang Bacolod

Depende sa sitwasyon, mahimo nga maga require liwat ang probinsya sang Negros Occidental sang negative RT-PCR test result sa mga magasulod sa probinsya.

Suno kay Negros Occidental Governor Eugenio Jose Lacson, luyag nga pat-uron anay sang probinsya kun ano gid ang sitwasyon sa Antique, karon nga ginkumpirma sang Department of Health ang duha ka kaso sang Delta variant sang Covid-19 sa amo nga probinsya.

Suno sa gobernador, ang mga tikang nga ipatuman sang Negros Occidental magadepende sa sitwasyon didto kag isa sa mahimo nga tikang nga ipatuman, para mapangapinan man ang probinsya amo ang liwat nga pag require sa mga nagapasulod sa probinsya sang negative RT-PCR test result nga nagalakip bisan pa sa mga maga gikan sa isla sang Panay.

Sa karon indi pa makasiling ang gobernador angut sa katumanan sini bangud depende sa makit-an nga sitwasyon. Sang mayo pa ang duha ka kaso sang delta variant kag sini lamang nag gwa ang report sini.

Kun ang kasubong nga sitwasyon sa india ukon Indonesia ang mag-igo sa probinsya suno sa gobernador wala sang ano man nga pagpanghanda ang makasarang para diri rason nga suno sa gobernador, ipatuman ang tanan nga preventive measure. Lakip na diri ang maid-id nga pagsunod sa health protocols.

Samtang, maga pabilin sa status quo ang Negros Occidental bahin sa indi pagtugot sa mga kabataan nga mag gwa apesar nga may yara sang national IATF resolution nga naga tugot sa mga 5 ka tuig pasaka nga pwede na ma ka gwa basta lamang may adult supervision.

Secured By miniOrangeSecured By miniOrange