Naglibot si Vice President Sara Duterte sa siyam ka mga lugar sa Negros Occidental kun diin nagatiner ang mga evacuees nga nahalitan sang Bagyo Tino kag Uwan.
Nagpanghatag sila sang relief goods gikan sa Disaster Operations Center sang Office of the Vice President. Ang kada box ang may unod nga assorted food items.
Natalana nga maga-distribute man sila sang bugas, water containers, GI sheets kag mga kahoy nga iga-deliver kun yara na ang supply.
Halin sa Himamaylan, sila ang nagbisita sa Binalbagan, Moises Padilla, nagpadulong sa duha ka mga lugar sa La Castellana, La Carlota City, Bago City kag tatlo ka mga lugar sa Bacolod City.
Sa Himamaylan, nag-promisa ang bise presidente nga igahatag ang iya nabaton nga iPhone 17 sa SK chairman sang Brgy. 2 nga wala maka-selebrar sang iya kaadlawan bangud nagpatigayon ini sang disaster preparedness efforts sadtong Nobyembre 3, antes mag-igo ang Bagyo Tino.
Sa Binalbagan, magluwas sa relief goods, nagpasalig si VP Sara sa mga evacuees nga sila ang iga-treat sang spaghetti meal subong nga adlaw.
Samtang, magabulig ang OVP Satellite Office sa Bacolod City sa pag-follow up sa water service provider kag power company angut sa mga concerns sa power outage kag kakulang sang potable water supply sa pila ka mga lugar sa probinsya.*