Apat na lang ka adlaw ang nabilin para sa mga kandidato nga magpangampanya.
Gani sa pagbalik ni presidential candidate Leni Robredo sa probinsya,iya ginhaylo ang mga supporters, ilabi ang naga house to house campaign, nga maninguha bangud nagapabilin nga talaklaron ang ginalauman nila nga kadalag-an.
Lunsay nagapangaduha sa mga election surveys si Robredo kag vice presidential candidate Kiko Pangilinan.
Sa ikaapat nga pagbalik sang bise presidente sa probinsya para sa kampanya, iya gintuman ang promisa sa mga taga siudad sang Bago.
Kaupod niya sa mini-rally sa Bantayan Park sanday senatorial candidate Risa Hontiveros, Chel Diokno kag mga negrense senatoriables nga sanday Alex Lacson kag Neri Colmenares.
Halin sa Bago,nag caravan ang tropang angat pakadto sa Bacolod kun diin nagtipon ang mga lideres sang sectoral group kag mga political leaders para sa People’s Proclamation Rally sa Bacolod.
May mga kandidato sang Grupo Progreso kag Asenso Bacolod ang nagtib ong sang kandidatura sang Leni-Kiko tandem.
Kaina sang aga nag idas man ang mga salakyan halin sa Bacolod pakadto Silay-Airport sa stationary caravan nga gin updan sang mga kakampink supporters.