Satellite registration sa sulod sang BJMP Male Dormitory sa Barangay Handumanan kag Singcang-Airport ginpatigayon sang COMELEC Bacolod. Samtang, bwas na ang last day sang Register Anywhere Program.
May 211 ka mga persons deprived of liberty ang na-serbisyohan paagi sa satellite registration sang COMELEC Bacolod sa BJMP Male Dormitory sa Barangay Singcang-Airport. 117 naman ka mga PDL nga voter applicants ang nagpa-rehistro sa BJMP- Handumanan.
Nagapahanumdom si COMELEC – Bacolod Election Officer Atty. Revo Sorbito sa pila pa ka mga voter applicants nga indi taga-Bacolod nga bwas na ang last day para sa Register Anywhere Program.
As of August 29, may 205 na ang nakapa- rehistro paagi Sa RAP.
Samtang, magapadayon ang satellite voter’s registration sang COMELEC sa SM City Mall sa Setyembre 2-13, sa USLS Coliseum sa Setyembre 14 kag sa Robinsons Place Bacolod sa Setyembre 16 asta 30.