Pagpabaskog sang voter’s registration kag pagpangita sang masaylohan nga opisina kabahin sa tagaan atensyon sang bag-o nga election officer sang Comelec-Bacolod.
Ang makasaylo na sang opisina halin sa Bays Center ang kabahin sa mga prayoridad ni Atty. Revo Sorbito sa iya pabalik bilang election officer sa Comelec – Bacolod.
Sa malawig na nga tion, masami ginabaha ang opisina sang COMELEC sa tion nga magbunok ang ulan sa reclamation area. Gani tuyo ni Sorbito nga makasugilanon si Mayor Albee Benitez agud makapangita na sila sang lugar nga masayluhan antes pa magsugod ang election period sa madasun nga tuig.
Kabahin sa tagaan nila sang atensyon ang pagpabaskog sang voter’s registration nga magatakop sa Setyembre 30. As of July 15, nagalab-ot na sa 340,828 ang registered voters sa Bacolod.