Dala sang mabunok nga ulan kahapon, gindala sang daludo sang tubig ang mga volcanic materials sa naibabaw nga bahin sang Sitio Tamburong padulong sa Ibid Creek sa Brgy BiaknaBato sa banwa sang La Castellana.
Suno kay Remuel Lajo ang incident commander sang Incident Management Team sang La Castellana, liwat nga natampukan sang volcanic materials ang nahawanan na nga bahin sang dalom sang taytay nga gina agyan sang tubig.
Liwat naman nga kutkuton ini suno kay Lajo. Wala labot nga gindala sang tubig ang volcanic materials gikan sa naibabaw nga bahin, pati ang naka tampok sa kilid sang sapa ang gindala man sa anod sang ulan.
Subong nga adlaw tigayon naka kuha sang 68 cubic meters sang volcanic materials padulong sa compound sang DENR.
Isa sa mga concerns man karon suno kay Lajo amo ang dugang nga bulutangan sang na clear nga materials.
Wala pa man na puno ang area sang DENR pero may kabudlayan sa pag tampok bangud basi ma guot ang mga dump truck.
Sa Martes maga sapol ang Resource Management Committee sang DENR upod sa Protected Area Superintendent kag isa ini sa luyag nila nga mahatagan man sang atensyon, suno kay Lajo.
“Nagbalik to liwat sa dalom sang taytay. Napuno naman siya liwat. Amo na siya ang gina ano tani namon nga pagkakutkot mahingagaw, kay tatlo lang ka dump truck ang naga hakot. Ang weather ta ka unpredictable, gulpi lang ma ulan kun hapon.
Ang sa babaw (nga volcanic materials ) nga nagadulhog. Ang sa kilid (sapa) nga wala nahingagaw gapon amo man”, suno kay Lajo.
[sibwp_form id=1]