Nagsugod na ang Victorias Milling Company sa pagbaton sang tubo nga igapagaling sa ila nga sentral sumugod subong nga adlaw.
Ginpasiguro ni VMC President Linley Retirado sa mga planters nga magasugod ini sa pag-operate sa pihak sang nagluntad nga sunog sang Domingo.
Ang desisyon sang sentral sa pag galing ang ila naman napalab-ot kay Sugar Regulatory Administrator Pablo Luis
Azcona nga nagbisita sa VMC sadtong Lunes sang aga agud malantaw ang sitwasyon sa sentral.
Sa inisyal nga report, ginlamon sang kalayo ang clinic, instrumentation office kag ang atop sang warehouse sang sentral.
Ginpasiguro sang management nga mahimo sila magpadayon sang galing bangud nagapatigayon sang clean-up sa lugar nga nasunog agud indi maggutok sa tion nga magsugod na ang galing.
Ginpasalamatan naman sang VMC ang mga bombero sa madasig nga pag-responde kag ang bulig nanday Victorias City Mayor Javi Benitez kag 3rd District Rep. Francisco Benitez kag iban pa nga local officials.