Wala pa sang pat-ud nga option si Bacolod Vice-Mayor El Cid Familiaran para sa nagahilapit nga 2025 elections.
Pero iya ginsiling nga kun matagaan siya kahigayunan indi niya luyag nga maka-engkwentro ang iya mga kaalyado sa idalom sang Asenso Bacolod kag pati na mga ginakabig abyan kabahin na diri si anay Mayor Evelio Leonardia nga ginabantayan ang pagbalik pulitika.
Nagahulat man ang Asenso group sa mangin desisyon ni Mayor Albee Benitez kag sa iya mangin option sa madasun nga pinili-ay kun bala magapapili ini liwat sa pagka-alkalde, mag-switch posts kay Congressman Greg Gasataya ukon magpahuway sa pulitika.
Nalakip sa option sang alkalde ang magpapili sa pagka-Senador ukon magbaton sang igatanyag nga cabinet position.