Visayas grid balik na naman red alert bangud sang pag shut down sang pila ka mga planta. Buot silingon gina kulang na naman ang power supply kag mahimo mag resulta na naman sa sunod-sunod nga mga brownout.
Base sa gin pagwa nga advisory sang National Grid Corporation of the Philippines ukon NGCP, balik red alert status na naman ang Visayas Grid las singko tubtob las sais subong nga gab-i.
Kun magsiling nga Red Alert, kulang ang power supply nga naga sulod sa Visayas grid sang sa kinahanglanon sini.
Yellow Alert naman humalin las tres tubtob las singko sang hapon kag las sais tubtob las otso sang gab-i.
Sa Yellow alert naman, nagakaigo lang ang power supply kag wala sang extra enkaso magsaka ang demand.
Base pa sa datus sang NGCP, yara lang sa 2,468MW ang available nga capacity sang Visayas grid pero ang demand nagalab-ot sa 2,545MW.
May lima ka mga planta nga wala naga gana humalin sang October 4, 4 humalin pa sang Setyembre, 3 humalin pa sang August, 1 humalin sang June, 4 humalin sang May kag may iban pa gid nga wala naga gana humalin pa sang 2023.
Sa kabilugan nagdangat sa 685MW ang indi available sa grid.
Sang Lunes, yara sa Yellow alert ang Visayas grid gani may mga areas nga ginpaidalom sa manual load shedding ukon bulos-bulos nga bronwouts.
Setyembre lang naumpawan ang Visayas gikan sa adlaw-adlaw nga mga brownouts kag subong amat-amat na naman nga naga balik ang problema sa kulang nga power supply.
[sibwp_form id=1]