Indi man lamang ang Negros Occidental High School ang may yara sang na report nga kaso sang viral exanthem ukon makayha. Sa bilog nga probinsya bisan pa gani sa bilog nga pungsod may kasubong nga mga kaso karon.
Ini suno kay Dr Joey Villarosa, Medical Officer III sang DepEd Negros Occidental. Paathag niya dala man ini sang paniempo, kag tungod nga viral madasig nga makapanglaton. Damlag pa sa interview sang katapo sang media sa medical officer sang NOHS, ginsiling sini nga humalin sang Setyembre tubtob sa karon, may mga 32 na ka kaso sang viral exanthem ang ila nga na-record kag 15 na lamang sa sining mga estudyante ang naga pabilin sa isolation base naman sa post sang NOHS medical clinic.
Paathag ni Villarosa, labing makalalaton man ang masakit, pero indi ini makamamatay. Ang NOHS may kaugalingon nga duktor kag nurses rason nga may nagakaigo sila nga recording sang mga kaso suno kay Villarosa.
Sa mga eskwelahan nga wala sang naka assign nga nurse ukon duktor, na abisuhan na sila nga kun may estudyante ukon mga estudyante nga makitaan sang sintoma kaangay sang rash kag paghilanat mag pakig-angut sa iya nga talatapan kag dal-on kag ipa check sa municipal ukon rural health unit ang natungdan. Ang pag pabaskog sang awareness bahin sa amo nga masakit ang isa sa mga pamaagi agudto matapna ini suno kay Villarosa kasubong man ang pag papabaskog sang advocacy sa bakuna nga pamaagi man para malikawan ang kasubong nga masakit ang ila sa karon gina tutukan.
“Kun mag gululuwa na ang mga cases nga ini kag may clustering be sa certain case, ang DOH na ang ma identify and ma pa gwa na sila mga local advisory. Pero ang
matuod-tuod gid di na preventive measures is to increase awareness and to increase the advocacy for the school-based immunization kay covered ni siya sang mga vaccines nga gina hatag sa eskwelahan. Kun ma disseminate naton properly ma prevent siya in the next few months, in the next few years. Pero, ang mga preventive measures, ang usual lang gihapon, for viral infection, mga handwashing”, suno kay Villarosa.