Victorias PNP nag panginwala nga ang duha ka suspek nga nag patay sa gwardiya amo ang duha ka pugante nga naka palagyo gikan sa Negros Occidental District Jail sa Bago City.
Suno kay Police Lt Col Eduardo Corpuz, hepe sang Victorias PNP indi matuod ang ini nga impormasyon nga ang duha ka persona nga nag patay sa security guard sa Barangay 18 sa Victorias sang nag ligad nga semana amo ang duha ka inmate nga nag palagyo sa NODJ.
Pero gin pahayag ni Corpuz nga una man gid nila ini nga gin tan-aw bilang anggulo ugaling wala sang ebidensya nga naga pamatuod sini kag karon gina lantaw nila nga anggulo amo nga ang gwardiya nga si Francis Legada ang nangin collateral damage lang sa away sa duta sa kampo nga iya gina gwardiyahan.
Si Legada ang gin kuhaan pa sang armas sang mga suspek matapos gin patay sang Hulyo 3.