Temporaryo nga ginsira sang Victorias City ang Victorias City Resort kag Gawahon Eco Park kasunod sang pagsaka sang kaso sang Covid 19 sa siudad.
Sa pagsapol kahapon sang Victorias Emergency Operations Center task force ang amo nga tikang ang isa sa mga ginkasugtan.
Gina lantaw man ang pagpatuman sang skeleton force sa city hall sa masunod nga semana. Tubtob Biernes nga sirado ang city hall subong nga semana para sa disinfection kag contact tracing. May 21 ka mga empleyado sang siudad ang nag positibo sa Covid-19 base sa swab test result nga nag gwa sang martes.
As of May 5, 100 ang active cases sang Victorias City.