Iga propose sang Department of Agriculture Western Visayas nga ang siudad sang Victorias ang mangin pilot area para sa sentinelling.
Ini suno kay Engineer Jose Albert Barrogo nga sa karon ang naga pungko nga OIC-Regional Executive Director sang DA Western Visayas.
Ini matapos nga wala na sila sang may na monitor nga African Swine Fever related deaths sa mga baboy sa Victorias City.
Paathag ni Barrogo ang sentinelling nagakasayuran sang monitoring sa sulod sang 45 diyas.
Kag kun wala na sang may na report nga ASF related deaths magahatag sang baboy sa siudad kag kun sa sulod sang tatlo ka bulan indi mag masakit ang mga baboy mahimo nga masugdan na ang programa para sa repopulation.
Sa mga LGU sa Negros Occidental nga apektado sang ASF padayon pa ang monitoring bahin sa ASF related deaths.
Damlag pa ginsiling na ni Barrogo nga ang yadtong mga apektado lamang sang ASF nga lugar ang sarang man maka avail sang assistance sa idalom sang repopulation program sang Department of Agriculture.
“Kay since daw okay okay na di (Victorias) ang sitwasyon, i-process na namon sila for sentinelling, and then repopulation. Kay tungod may number of days nga dapat ma observe nga wala na cases – 45 days,
after 45 days butangan naton sang baboy and then i-observe na siya naton for 3 months. Weekly na monitoring sa iya, kun indi siya mag masakit buot singganon pwede na naton ma declare nga free na
sang virus ang area”, suno kay Barrogo.