Vice Mayor-elect Claudio Puentevella nagpasalig nga indi mangin stamping pad ang konseho sang siudad.
Kasubong sang nagligad, pabor si Vice Mayor-elect Claudio Puentevella sa ginaduso nga pagtunga sang Bacolod sa duha ka mga separado nga distrito.
Nagapati siya nga nagakaangay na nga matigayon ang sadto anay redistricting bill nga karon plano nga iduso ni Congressman-elect Albee Benitez sa kongreso.
Ang pagtunga sang siudad sa duha ka congressional districts ang ginalauman mas maka pabaskog sang ekonomiya kag makabulig sa madasig nga pag-tin-ad sang Bacolod.
Bisan pa mayorya karon sang katapo sang konseho ang mga kaalyado sang Asenso group, ginpasalig ni Puentevella nga indi mangin stamping pad ukon maga-sunod lang sa luyag sang executive ang katapo sang Sangguniang Panlungsod.
Gindugang niya nga magapabilin nga transparent ang konseho sa iya natalana nga pagpamuno.