Naka home quarantine karon si Vice Mayor El Cid Familiaran matapos nga nagpositibo ang iya rapid antigen test sa Covid 19 sang Martes.
Domingo sang nag-self isolate ang bise alkalde sang makabatyag sang sore throat kag hilanat. Kaina nag negatibo na ang resulta sang Rapid antigen test sang bise alkalde kag wala na siya sang hilanat humalin kagab-i.
Padayon siya karon nga naga-recover sa tuyo nga makabalik naman sa regular session sang konseho sang siudad sa madasun semana.
Sa masunod nga inadlaw magapaidalom liwat sa antigen test ang bise alkalde agud makasiguro nga hilway na siya sa Covid 19.
Nagapati siya nga posible sa gintambungan niya nga vice mayors league niya nakuha ang virus.