Kun may mga spekulasyon man sadto nga magasaylo sang voter’s registration si Vice Governor Jeffrey Ferrer sa Bacolod City ini karon ang natapos na.
Suno sa bise gobernador, karon nga Mayo 31 na, nag lapaw na sa deadline ukon sa gina require sang laye nga dapat ang isa ka persona nga maga papili, residente sang natungdan nga lugar sa sulod sang isa ka tuig.
Suno kay Vice Governor Ferrer, kun may intensyon siya nga mag saylo kag mag papili sa Bacolod kuntani siya ang nagsaylo sang iya nga voter’s registration sadto pang Mayo 8.
Damlag pa may mga spekulasyon, nga mahimo magapapili si Ferrer bilang vice mayor sa Bacolod kaupod ni anay congressman Albee Benitez kasunod sang pag gwa sang panawagan nga “Run Albee Run.”
“It should be one year before mag transfer ka residency mo. Ang election is May 9 (2022), should be masaylo ka May 9. May 30 (sic) na kita subong, indi na pwede. Tani supposed to be nag last day sila May 8. (indi ka na gali kasaylo vice no?) ano pagsaylo ko. Pwede gid ko ya kasaylo pero for what ang saylo ko?”